Dalawang araw ng hindi nakakapasok sa clinic nya si Sophie. Hindi maganda ang pakiramdam nya at nilalagnat sya ngayon. Nagtataka na sya sa nangyayari sa kanya. Bigla-bigla na lang syang giniginaw at masakit ang mga kalamnan nya. Napansin din nya na maputla na naman sya.
Mabigat ang ulo na bumangon sya mula sa pagkakahiga nya sa kama. Nakasuot pa sya ng pantulog. Habang nakaupo sya sa kama ay napansin nya ang kanyang braso. May panibagong pasa na naman sya.
Natigilan sya pagkakita doon. Malaki ang pasa nya at mas maitim iyon kumpara sa maliliit nyang pasa noong una.
Inangat nya ang suot na pajama at nabigla sya sa nakita.
Pati ang binti nya ay may mga pasa na din.
Napatakip sya sa bibig habang pinagmamasdan iyon. Hindi maganda ang mga bagay na pumapasok sa isipan nya. Naramdaman din
