Kinabukasan ay nagtungo si Leonhart sa bahay ni Kalil dahil tinext sya ni Draco na magtungo doon. Nag-iinuman ang mga ito nang datnan nya. May gig sila mamaya pero mukhang hindi iyon alintana ng mga kaibigan nya, sabagay ay sanay naman na sya. Hindi naman nagpapakalasing ng husto ang mga ito kapag may gig sila kinagabihan. Tamang chill lang ang mga ito ngayon kaya siguro sinabihan din sya ni Draco.
"Ang tagal mo, mukhang kakagising mo lang ah?" puna sa kanya ni Draco. Napahimas lang sya sa batok nya. Actually ay tama ito, kagigising lang talaga nya. Dumaan pa sya sa bahay ni Sophie kanina bago umalis kaya lang ay sarado na iyon. Nasa clinic na siguro ang best friend nyang minamahal.
"Napuyat kami kagabi ni Sophie kasi na–"
"What?! Sabi ko na nga ba at lalabas din yang tinatago mong pagn
