"Bro ang daming chicks oh nakakasilaw sa ganda!" namimilog ang mga matang ani Roz habang inililinga ang paningin.
Wala sa sarili si Leonhart kahit nasa loob na sila ng bar. Okupado ni Sophie ang isipan nya buhat pa kanina. Ayaw sana nya itong iwan pero kinukulit sya ng manager nila na hindi daw pwedeng wala sya dahil baka magalit sa kanila ang may-ari ng bar. Nilalagnat pa din si Sophie ng iwanan nya ito. Bukas na bukas ay pupuntahan nya ito agad upang kamustahin.
"Huy, anyare sa'yo? Ang daming chicks oh."
Muli syang siniko ni Roz.
"Hindi ako interesado," mahinang sambit nya habang nakakunot ang noo. Kumunot din ang noo ni Roz dahil sa sinabi nya.
"Totoo ba 'tong narinig ko? Hindi ka interesado? Anong masamang hangin ang dumapo sayo?" hindi makapaniwalang anito sa kanya.
"Tss."
Nap
