"Saan nga kaya nagpunta si Doktora Sophie 'no? Kawawa naman si drummer boy!" naiiling na sabi ni Roz habang kausap ang mga kasama nya. Nasa bahay sila ni Wes ngayon at sinundo nila ito para sa tugtog ngayong gabi.
"Oo nga kawawa naman sya. Ang hirap yata na bigla na lang mawala yung taong mahal mo tapos wala kang alam kung saan ito hahanapin. Kung ako siguro si drummer boy eh nabaliw na ko. Alam naman natin kung gaano kalapit sa isa't isa yung dalawa na 'yon," saad ni Draco.
"Kung bakit ba naman kasi ngayon pa sila nagkaproblema kung kailan maayos na ang lahat. Tsk!" si Zach.
Nasabi na nila ni Draco sa mga ito lahat ng nalaman nila kung bakit hindi masyadong nakakapagparamdam sa kanila si Leonhart. Alam na ng mga ito ang totoong nangyari pati ang tungkol sa pagkakabuntis ni Leonhart sa
