Pagka gising ko kinabukasan ay medyo okey na ang pakiramdam ko. Kaya pinilit kong pumasok. Gustuhin ko mang magpahinga sa bahay ay ayoko munang makita si Ronnel.Iniisip ko pa rin kung ano ba talagang meron sa kanila ni Elaine at kailangan pa siyang sundan dito.
Maaga akong gumayak para maaga akong makapasok.Di bale na tatambay na lang ako sa office.
Akmang lalabas na ako ng bahay ng may magsalita sa likuran ko.
"Hindi ka ba muna mag aalmusal.Nakaluto na ako."
"Salamat na lang pero wala akong gana." mabilis ako umalis at nag para ng taxi.
Siguro nga dapat huwag kong sanayin ang sarili ko na lagi siyang nandyan sa tabi ko.Baka pansamatala lang ang lahat ng ito.
Halos wala akong gana magtrabaho maghapon. Madalas lumilipad ang isip ko. Napapansin din ni Mark ang pagiging matamlay ko
