Kasandra
Umuwi lang kami sa bahay para mag-empake. Napag-usapan naming sa probinsiya ito ibuburol at ililibing. Sa tabi ni Tatang.
Tulala lang ako habang nakaupo sa gilid ng kama at nakahawak sa litrato naming magkakapatid kasama si Inang. Wala pang isang araw na wala ito pero ang laki na ng puwang sa puso ko. Hungkag ang pakiramdam ko at puro sakit na lang ang nandirito.
Walang alam ang mga kaibigan ko sa nangyari. Hindi ko pinaalam sa kanila para hindi na sila mag-alala pa. Nagpaalam lang ako sa mga prof ko at hindi na ako pumasok. Isang linggo lang naman na at sem break na namin.
Ngayon ang alis namin papunta sa probinsiya. Hawak-hawak ko ang phone na binigay nito sa akin. Simula nang kahapon ay hindi ko na ito chinarge. Hinayaan ko lang itong lobat. Ibabalik ko din lang naman. Bah
