WALA nang ganang bumalik sa unibersidad si Joy ngunit kailangan niyang abutan ang propesor niya upang maipasa ang kanyang report. Pagkatapos niyang tumigil sa pag-iyak ay pinagpahinga siya ng ina sa kuwarto nilang magkakapatid.
Hinang-hina siya sa lahat ng nangyari. Pati ang nanay niya ay natutulala.
Ayaw nitong malaman ng kanyang ama ang naganap. Baka raw makapatay ang kanyang ama kapag nalaman nito iyon. Hirap na hirap na raw ito sa paghahanapbuhay at paghahagilap ng pera para may maipanghulog sila sa matandang iyon.
Lalong nadaragdagan ang galit niya kay Mr. Garina. Kailangan nilang makabayad sa utang nila.
Nahilot niya ang sentido habang palabas ng bahay. Sumasakit ang ulo niya sa mga problema.
Patungo na siya sa sakayan ng jeepney nang bi
