DAHIL kailangang paghandaan ang pagpasok ng isa pang kapatid ni Joy sa kolehiyo, nagpasya siyang magtrabaho muna habang summer vacation. Nakahanap siya ng part-time job sa isang fast-food restaurant. Kapag wala naman siyang pasok ay naglalagay siya ng maliit na mesa sa harap ng bahay nila at nagtitinda ng banana cue, camote cue, at kung anong maisip niya.
Madalas siyang night shift sa fast-food restaurant kaya nagagawa niyang magtinda sa umaga. Kailangan niyang kumita upang kahit paano ay makatulong sa mga gastusin ng mga magulang. Kahit man lang ang kalahati ng pang-tuition niya ay kitain niya.
“You don’t have to work,” sabi ni Joshua minsan nang abangan nito ang paglabas niya sa fast-food restaurant na pinagtatrabahuhan.
Minsan ay natatawa siya sa sitwasyon nil
