ORIENTAL MINDORO
NAGISING ako sa announcement na malapit na kami sa port. Ang himbing ng tulog ko at pati naman si Jacob ay pikit pa rin. Hindi ako makapaniwalang nakatulog ako sa bisig n'ya. Sinubukan kong kumawala sa yakap n'ya pero lalo naman n'yang hinigpitan.
"Jacob, gising na malapit na tayo."
Pero mukhang antok pa. Late na kasi kaming nakatulog tapos maagang umalis. Habang ang lahat ay abala sa pag-aayos ng sarili nila -- ang mga babae ay nagsusuklay at ang iba naman ay nakapila sa paggamit ng washroom, kami ni Jacob ay magkayakap pa rin.
"Gising na. Malapit na tayo," mahinang tapik ko sa dibdib n'ya. "Bitaw na," bulong ko sa kanya.
Hinalikan n'ya muna ako sa tuktok ng ulo ko bago ako pinakawalan. Sumimple pa talaga. Napahilamos s'ya sa kanyang mukha bago umunat at inayos ang
