NAKILALA ni Jacob ang aking mga kapatid at kahit bakas ang pagtataka sa mga mukha nila sa mga nangyayari ay naging maayos naman ang pagtanggap nila dito. Ang operating room ay ay nasa kabilang dulo ng second floor. Nandito rin sa parehong floor ang private room na kinuha ni Jacob pero nasa dulong kaliwa kaya habang naghihintay kami ay nagkaroon ng pagkakataon na makapag-usap. Dalawa hanggang apat na oras ang operasyon ni Tatay ayon sa doktor.
Nakakain na kami ng agahan kanina at nag-order din si Jacob ng para kay Nanay. Si Tatay ay dose oras na NPO para sa paghahanda sa operasyon n'ya kaya iniwasan naming kumain sa presens'ya n'ya. Mahirap magtiis ng gutom lalo na kung naaamoy ang masarap na pagkain at after lunch pa ang schedule n'ya.
Inaayos ni Jacob ang pinamili n'yang mga prutas at m
