"GENJI? Ano'ng ginagawa mo rito?"
Nakadama nang panganib si Nagara nang makita si Genji. Parang may mali.
"Nandito ako para patayin ka," malamig na sagot nito na tila wala sa sarili.
Tinitigan niya itong mabuti. Madilim ang ekspresyon ng mga mata nito. Nanlilisik sa galit.
"Genji, ano'ng sinasabi mo? Bakit ka ba nagpunta rito?"
"Dahil sa inyo namatay si Takao. Kayo ang pumatay kay Takao!" mariing wika nito bago sumugod sa kanya.
Huli na nang mapansin niya ang katana na hawak nito. Mabuti na lang at mabilis siyang nakailag kaya hindi siya tinamaan.
"Genji, ano ba? Hindi nakakatuwa ang biro mo," naiinis nang wika niya.
"Sino ba'ng may sabing nagbibiro ako?" anito na muli na namang sumugod.
Umiwas na naman siya. Hindi ito tumigil hanggang sa wala siyang choice kundi ang lumaban. Una
