WALA silang imikan habang naglalakad. Si Kenji nama'y hindi na rin nagtanong sa kanya. Habang nasa ganoon silang ayos, isang lalaki ang tumatakbo at bigla na lang bumangga sa kanya.
"Naku, sorry!" wika ng lalaki na akmang aalis na sana ngunit bigla itong tinawag ni Kenji kaya ito napahinto.
"Sandali!" matigas na sabi ng binata na may halong galit.
Napatingin siya rito at hindi maganda ang pakiramdam niya. Pagkatapos ay napatingin siya sa lalaking huminto at nakatalikod sa kanila. Pamilyar ang likod nito pati na ang uniform nitong suot. Unti-unti itong lumingon sa kanila at ganoon na lang ang kanyang pagkagulat nang makilala ito.
"Kuga?"
Nagulat din ito nang makilala siya. "Ate Misuke!"
Subalit maliban sa pagkagulat, may iba pa siyang nakikita sa mga mata ni Kuga.
"Kuga, may problema
