"HINDI ko alam kung sadyang masyado kang mabait o tanga ka lang talaga, Kazumi."
Dumilim ang mukha ni Kazumi sa sinabing iyon ni Hikari. "Ano'ng sabi mo?"
Kasalukuyang nakaluhod ang isang paa niya upang pigilan ang tuluyan niyang pagbagsak sa tinamong malakas na suntok mula rito.
"Ano ba talagang plano mo pagkatapos mong matalo ang tito mo? Babalik ka ba sa Miyagami Clan upang pamunuan ito?"
Hindi siya agad nakasagot. Nakatayo na siya nang maayos, pero parang nawalan siya nang ganang sumugod dito. Ano nga bang gusto niyang gawin kapag natapos na ang paghihiganti nila kay Harushiko?
Muli itong nagsalita, "Oras na piliin mong mamuhay nang normal, sino sa tingin mo ang makikinabang ng lahat ng ito? Kanino sa tingin mo mapupunta ang lahat ng pinaghirapan mo--natin?"
Napatingin siya nang
