"MABUTI naman at gising ka na," wika ni Shinji sa asawa nang lapitan ito. Hinalikan niya ito sa noo bago naupo sa silyang katabi ng kama nito.
"Nakaalis na ba sila?" tanong nito.
"Malamang. Pero maiiwan muna si Taransuke dito dahil may tama siya. Iyong kaibigan nilang Hikari ang pangalan ang inatasan ni Kazumi na magbantay sa kanya at sa atin."
"Ano'ng nangyari kay Tasuke? Bakit siya may tama?" batid niya ang pag-aalala sa tono nito, pero hindi nakaligtas sa kanya ang kaswal na pagbanggit nito sa palayaw ng kaibigan ni Kazumi na ni minsan hindi pa nito nakilala.
"Bakit masyado kang concerned sa batang iyon? Nagkakilala na ba kayo?" nagtatakang tanong niya.
"Kilala ko na ang batang iyon bago pa ako umalis ng Kugayama. Kaibigan ko ang kanyang ina," sagot nito.
"Karamihan din sa mga kai
