Twelve years ago.
"ANO'NG ginagawa mo rito? Hindi ba dapat kasali ka sa pagdiriwang?"
Gulat na napalingon si Kurei sa nagsalita sa kanyang likuran. Agad siyang yumuko nang makilala ito. "Binibining Kazumi, pasensya na po!" kinakabahang hingi niya ng paumanhin.
Head cook ng mansyon ng mga Miyagami ang kanyang ina kaya doon na rin sila nakatira, bagama't magkaiba ang silid nila sa mga alta sociedad at pamilya ng pinuno. Madalas siyang inaapi noon ng ibang mga bata na miyembro ng kanilang angkan dahil sa mababang estado niya. Mas mababa pa sila kaysa sa ordinaryong tauhan ng Miyagami Clan dahil tagapaglingkod sila sa mga ito.
Minsan lang siyang pinalalabas ng kanyang ina sa kusina dahil pagagalitan sila kapag may nakakitang nagpagala-gala ang isang serbedorong katulad niya sa loob o laba
