Kinabukasan...
ISANG maikling seremonya ang idinaos para sa libing ni Kurei kinabukasan sa likuran lamang ng bahay na iyon ni Shinji. Bawat isa'y nag-alay ng dasal para sa kanilang kaibigan.
Sana matahimik na ang kaluluwa mo, kaibigan. Sayang at hindi ka namin makakasama sa nalalapit na katuparan ng mga pangarap natin, wika ng utak ni Terajiko habang inihahatid sa huling hantungan ang mga labi ni Kurei.
Pagkatapos ng seremonyas, pumasok na silang lahat. Dumaan muna siya sa kusina at doon nagpalipas ng oras habang binabalik-tanawan ang mga nangyari...
"Sino ang nag-utos sa inyo na ipapatay kami? Sino?" galit na tanong niya habang idinidiin ang basag na bote sa balikat nang nanghihinang kalaban.
"Bakit hindi mo na lang ako tapusin?" hamon nito sa kanya.
"Very well," aniya at agad na ib
