NAGWAWALA si Terajiko sa loob ng sasakyan habang bumabyahe sila papuntang kulungan.
"Hoy Odagiri! Hindi mo kami pwedeng ikulong dito, naiintindihan mo ba? Kailangan kami ni Kazumi. Kami lang ang makakatulong sa kanya."
"Tera!" awat ni Hayasu sa kanya subalit hindi pa rin siya tumigil.
"Hindi! Ngayon tayo kailangan ni Kazumi. Hindi ko siya pwedeng hayaang pumunta roon nang mag-isa. Baka kung anong..."
"Si Kazumi ang may gusto nito!" hindi nakatiis na wika ni Taransuke. Natigilan sila at napatingin dito.
"Ano'ng sabi mo?"
"Hindi ba obvious? Sinadya ni Kazumi na ipakulong tayo para wala nang mapahamak sa atin," paliwanag nito.
"Kaya nga! Hindi ako pwedeng manatili sa loob ng kulungan habang nasa peligro ang buhay ng hangal nating kaibigan na iyon. Sino ba siya akala niya? Imortal na hi
