3rd Day of the Agreement.
"ANO'NG kailangan mo?" malamig na tanong ni Kazumi nang pagdating niya sa bakanteng lote sa likod ng isang warehouse ay naroon na ang kanyang katagpo. Alas tres pa lamang ng madaling-araw at halos apat na oras lamang ang tulog niya nang gabing iyon.
"Hindi ka man lang ba magre-react na nakalaya na ako?" nakangising tanong ni Harushiko sa kanya.
"I know all about it. Bakit pa ako magugulat?" sarkastikong tanong niya. Hindi niya alam kung kailan ito nakalabas, pero wala siya sa mood para problemahin ito. "Ano ba ang gusto mong pag-usapan?"
"Wow! Porke't ikaw na ang nakaupong leader ngayon, ganyan-ganyan mo na lang ako sasagutin? Maganda ba ang takbo ng negosyo natin ngayon?"
Hinablot niya ang harapan ng damit nito. "Simula nang ipapatay mo ang mga kaibigan ko,
