Two weeks later...
"ANO'NG ginagawa n'yo rito?" tanong ni Tasuke nang makilala ang babaeng naka-hood na kumakain ng omelet rice sa bandang dulo ng restaurant na pinasukan niya. Naupo siya sa katapat na mesa at nakaupong nakatalikod dito.
"Wala. Tinitingnan ko lang kung maayos ang lagay ng anak ko," sagot nito.
Tinawag niya ang may edad nang waitress na siya ring may-ari niyon at um-order ng makakain. Agad namang tumalima ito at tumalikod na pagkatapos kunin ang order niya.
"Iniisip din niya kayo, pero mas gugustuhin niyang bumalik na kayo sa nakasanayan n'yong buhay kasama ang asawa n'yo't si Yuki. You don't need to worry about her. Hindi namin siya pinapabayaan."
Napahinto ito sa pagsubo. "Ina ako, Tasuke. Ang ina, hindi napapanatag kahit isang minuto tungkol sa anak nila."
"Pero hi
