TAHIMIK na bumalik si Hikari sa kanyang silid. Subalit laking gulat niya nang makita si Tasuke na nakaupo sa silyang nasa bedside table niya. Bigla siyang kinabahan. Hindi takot kundi excitement ang kanyang nararamdaman nang mga sandaling iyon.
"Tasuke! Ano'ng ginagawa mo rito?" tanong niya na pinanatiling normal ang kanyang tinig.
"Wala. Napasyal lang," anito na agad tumayo. Lumapit ito sa kanya.
Napaatras siya't napasandal sa pinto. Huminto ito sa tapat niya. Mas lalong nagwala ang kanyang puso nang mapagtantong ilang pulgada na lamang ang pagitan ng kanilang mga mukha, his breath fanning her face.
"A-ano'ng ginagawa mo?"
"Sshhh..." He silenced her by putting his finger on her lips. Naramdaman niya ang paggalaw ng isang kamay nito para abutin ang door knob. Laking gulat niya nang i
