"ANO'NG nangyari kay Ate? Nasaan ang Ate Misuke ko?"
Nagwawala si Yuki nang pagbalik niya sa ospital ay wala na roon ang kanyang kapatid na nakakulitan pa niya nang magising ito.
"Daddy, nasaan si Ate Misuke?" Napahigpit ang kapit niya sa harapan ng damit ng kanyang ama.
"Huwag mo nang hanapin ang ate mo." Napalingon siya nang marinig ang tinig ng kanyang ina. "Umuwi na siya."
Napakalas siya sa kanyang ama. "Umuwi?"
"Sa Kugayama. Sa Miyagami Village. Bumalik na siya sa kanilang angkan, sa Miyagami Clan."
"A-ano'ng sabi n'yo? Bakit? Bakit siya babalik doon?"
"Dahil iyon ang buhay na nakatakda para sa kanya," sagot nito na diretsong tumitig sa kanyang mga mata.
"Nakatakda? Hindi ba't ayaw n'yo iyon para sa kanya? Bakit hindi n'yo siya pinigilan?"
"Kalimutan mo na ang ate mo. Tinal
