“Welcome to our home and family Austin,” nangingiting pagbati ni Thunder kay Austin. Magkasabay silang pumasok sa bahay niya. Buhat-buhat ni Thunder si Winter na kasalukuyang tulog dahil napagod sa naging biyahe nila pauwi ng bahay.
Tiningnan naman ni Austin si Thunder. Sumilay ang maliit na ngiti sa labi niya.
“Simula ngayon ay dito ka na titira kasama namin dahil bahagi ka ng aming pamilya. Isa ka na ngayong Dela Merced,” saad ni Thunder.
Tumango-tango lamang si Austin. Napakasarap sanang pakinggan para sa kanya na isa na siyang Dela Merced. Dinadala na niya ngayon ang apelyido ng kanyang pinakamamahal ngunit kabaligtaran ang nararamdaman niya sa dapat ay inaasahan niyang maramdaman. Hindi siya lubusang masaya na isipin iyon dahil alam naman niyang ang pagiging mag-asawa na nila ngayo
