“Sama ka sa akin sa bahay,” wika ni Thunder kay Austin. Nasa loob sila ngayon ng opisina ng una.
Napatingin naman si Austin kay Thunder. Kumunot ang noo niya. “Ha? Bakit?” nagtatakang tanong nito.
Ningitian ng maliit ni Thunder si Austin. Napapansin naman ni Austin na madalas na ang pagngiti nito kahit na madalas rin ay tipid lang.
“Hinahanap ka kasi sa akin ni Winter. Mukhang nami-miss ka niya,” sagot ni Thunder.
Napangiti naman si Austin sa kanyang narinig. “Talaga? Miss niya ako?” tanong nito.
Tinango-tango naman ni Thunder ang ulo niya.
Lumaki ang ngiti sa labi ni Austin. “Sige-sige at sasama ako mamaya sa bahay ninyo,” pagpayag niya. Sa totoo lang kasi, na-miss niya rin ang batang iyon.
Umayos sa pag-upo si Thunder sa inuupuan nitong swivel chair at nagdekwatro pa.
“Nalalapit
