Nagising si Chloe na wala ang mag-aama niya pati na si Troy. Si Yaya Lucy lang ang nagisnan niya at naghahain ito ng almusal nilang dalawa.
Tinanong niya ito kung nasaan ang apat pero hindi rin daw nito alam dahil halos magkasunod lang daw sila nitong nagising.
Kung kailan naman kaarawan niya na bukas saka naman pinapainit ni James ang ulo niya.
"Nanay, saan po kaya nagpunta ang apat na 'yon? Sana man lang po ay nagpaalam sila sa atin."
"Oo nga, eh. Alas-siyete pa lang ay gising na ako pero wala na sila. Ang mga batang 'yon talaga, oo! Ni hindi ko nga alam kung kumain na ang mga 'yon ng almusal, eh."
Mayamaya pa ay naagaw ang pansin nila dahil may kumatok sa pinto ng bahay niya kaya pareho silang nakahinga ng maluwag.
Patakbo niya itong binuksan sa pag-aakalang ang mag-aama niya na
