Lihim kong sinundan ng tingin si Daddy at Mommy habang umaakyat sila sa staircase. May kung ano silang pinag-uusapan habang ako ay naiwan dito sa hapag, nagkakape habang may hawak na cellphone. Kanina pa naka-display sa screen ko ang numerong ginamit ni Kaloy nang matawagan niya ako. Nagdadalawang-isip ako kung tatawagan pa ba iyon o hindi para sana malaman kung sino ang may-ari ng hiniraman.
Nasa sala ang katulong, nagpupunas ng mga muwebles. Tanging ako na lang ang narito sa hapag kaya nanginginig na ang laman kong tawagan ang numero. Ngayong hindi naman ito kay Kaloy, at least magkakaroon ako ng source mula sa kinalulugaran niya. I just want to know what he has been to and what he’s doing recently.
Hindi ko naman magawang tawagan ang dati niyang number na naka-save pa rin sa aki
