“Miss, pauwi na raw ng pinas ang Mommy at Daddy mo.”
Iyon kaagad ang bumungad sa akin nang makapagbihis na ako ng uniporme kinaumagahan. Pinoproblema ko na nga kung ano ang posibleng mangyayari sa akin sa school dahil sa gulong pinasok ko kahapon, tapos dadagdag pa ito. Umagang umaga pa lang pero pakiramdam ko ay nagsisimula na namang manakit ang araw. May posibilidad kayang sumang-ayon sa akin ang petsang ito?
Pinilit kong kumain ng umagahan kahit na walang gana. Siguro’y nakakailang subo pa lang ako ngunit kaagad ko nang tinapos. Pagka-toothbrush ay pinag-aralan ko sa salamin ang medyo namamaga pang sugat sa aking labi. Hindi ko naman pwedeng tapalan ng kung ano-ano dahil mas made-delay ang paggaling.
Nagsuot ako ng surgical face mask pagkatapos ko sa salamin. Dala ang naghahalong kab
