Sa kabutihang palad, tinanggap nina Mom at Dad ang imbitasyon. Batid din naman kasi nila na espesyal sa akin si Ada. Isa iyon sa pinaka-memorable na pangyayari sa kaniyang buhay kaya bakit ipagpapaliban ko nang dahil sa kanila?
Hindi pwede.
Mabilis na lumipas ang mga araw. Nakatapos na kami ng first sem kaya nalalapit na ang kuhanan ng grades. Ayaw kong magpakakampante kahit na matataas naman ang nakuha ko sa periodic exam. Hindi lang naman ang exam na ‘yon ang kino-compute sa grade, marami pang factors na dapat i-consider.
Malaki ang pasasalamat ko kay Carrie dahil siya talaga ang tumulong sa akin upang kahit papano’y makabawi. Sabay kaming nag-review sa bahay noong nakaraang linggo at nagawa niya pang mag-overnight matutukan lang ako. Sina Mom at Dad ay naging abala sa kanilang busine
