"Hindi ko talaga alam kung saan mo nakukuha iyang lakas ng loob mo na ipamigay ako, samantalang 'di mo rin naman kaya na mawala ako." Huminga nang malalim si Kidd, kapagkuwan ay masuyong hinaplos ang basa kong pisngi.
"Para kay Jasmin—"
"Kahit naman ibigay mo ako sa kaniya, hindi ko rin kayang suklian iyong pagmamahal niya sa akin," aniya na pinuputol ang nais ko pang idugtong.
"Bakit?" Napuno ng pag-aasam ang puso ko sa sinabing iyon ni Kidd.
Gusto kong marinig ang dahilan niya. Kung hanggang saan na umabot iyong pagkagusto nito sa akin? Kung tama bang nadagdagan iyon, o nabawasan dahil sa pagtulak ko sa kaniya palayo sa akin.
"Dahil mahal kita," walang kagatol-gatol na sambit nito dahilan para tumigil ang pag-ikot ng mundo ko.
Kasabay pa nito ay ang paghihingalo ng puso ko dahil sa
