Mabilis din akong nabalik sa reyalidad nang makitang wala na sila sa paningin ko, tuluyan nang nakapasok ang mga ito sa emergency room. Doon lang ako natauhan at maagap na pumasok sa hospital.
Sa oras na iyon ay ilang beses kong kinalma ang sarili, parang bumalik yata ang sama ng pakiramdam ko at gusto ko na lang ulit magkulong sa kwarto, pero dahil naturingan nga akong professional, pinilit kong magtrabaho nang maayos.
Ilang beses pa kaming nagkatagpo ni Kidd dahil tumutulong ito sa aming mga doctor. Paminsan-minsan ko siyang nakikitang sumusulyap sa akin dahil ganoon din ang ginagawa ko sa kaniya.
Nahuhuli ako nitong nakatitig sa kaniya, dala ng kahihiyan ay ako rin ang unang bibitaw. Hindi kami nagbigyan ng pagkakataon na mapag-isa, naging sunod-sunod ang pagdagsa ng panibagong pasye
