Bago pa man makapag-react si Doc. Sidney ay maagap na akong nahila ni Kidd mula sa balikat ko, kung saan nakaakbay siya. Nilingon ko pa ang hawak nitong box at walang kahirap-hirap niya iyong buhat sa isang kamay.
Kalaunan nang mapangiti na lamang ako ngunit kaagad ding nalusaw nang may matanto, kaya kaagad din akong humiwalay sa kaniya. Nakita ko pa ang pagkunot ng noo nito nang balingan niya ako.
"Baka mapag-usapan tayo, o baka ma-issue ka," bulong ko habang binibigyan pa rin ng espasyo ang gitna namin.
Siya namang panlalaki ng mga mata ko nang muli niya akong hatakin, inakbayan ulit ako nito ngunit sa pagkakataong iyon ay ayaw na niya akong pakawalan. Kahit anong pilit ko ay ayaw lang ako nitong bitawan.
Mayamaya pa nang madaan kami sa may waiting area ng hospital, kung saan may ila
