ARABELLA:
MATAPOS kong makausap si mama nang masinsinan, tumuloy na muna ako sa silid ko. Gulong-gulo pa ako at mugtong-mugto din ang mga mata ko kaya mas pinili kong hwag na munang humarap sa kanilang lahat.
"Hindi niya ako hiniwalayan. . . ako ang nang-iwan sa kanya nang mga panahong kailangan niya ako. Ngayong nagising na siya at nakabalik na ako. . . nadurog ko na naman siya na may kasintahan na ako." Usal ko sa isipan na naiisip si Dexter at naramdaman nito nang malamang wala na ako sa bansa at ngayo'y may bago akong boyfriend.
Iniisip ko pa lang ang nadarama niya, para na akong pinipiga sa puso ko. Gusto kong sigawan ang sarili ko at saktan sa sobrang pagsisisi ko. Sana pala hindi ako nagpadalos-dalos noon na umalis ng bansa. Kung dito lang sana kami sa Manila nagpatuloy ng pag-a
