Pag-uwi nila kasama ang guro ni Lily ay gulat na gulat sila dahil sobrang ayos ng bahay. Kung dati ay parang nadaanan ng bagyo ngayon ay malinis ang bawat gilid.
"Oh, nanay bakit ang ayos ata ng bahay? Ang daming nawalang gamit ah. Lilipat na ba tayo? Bakit hindi ko alam?" tanong ni Gerald sakanyang ina
Agad na kinurot ni Tiya Miding si Gerald dahil sa madami itong tanong sakanya. Binulong nito sa anak na tumahimik na lang dahil nasa bahay nila ang guro ni Lily.
Gulong-gulo pa rin si Lily dahil sa mga nangyayari pero totoo nga namang manghang-mangha siya sa ganda ng bahay nila. Maganda pala ito kapag malinis.
"Lily, maupo ka na dyan. Pinaghanda kita ng meryenda dahil alam kong gutom ka pag-uwi mo. Maupo ka na din po Ma'am, pasensya na po at kakaayos lang po ng bahay namin. Sana po ay a
