Katahimikan ang nanaig sa sa pagitan naming lahat habang kunot ang mga noong nakatingin sa aking gawi. Lumalabas na parang may nasabi akong isang sagradong salita na hindi ko dapat isinuwalat ngayon.
"A-Ano ba iyang sinasabi mo, Rosie?" Si Ma'am Tiffany ang unang nakabawi mula sa pananahimik.
Ibinalik ko ang aking paningin sa magkatabi na sina Ross at Cheska. Nakaalalay si Ross dito habang ang isa naman ay mahigpit ang pagkakakapit kay Ross. May nababasa akong pangamba sa mga mata ni Cheska nang magtagpo ang paningin naming dalawa.
Bahagya akong nag-alangan kung tama pa ba na ituloy ko at sagutin si Ma'am Tiffany o manahimik na lang. Mabilis ang bawat pag-ahon ng aking dibdib sa labis na pagsidhi ng aking emosyon. Ipinikit ko ang aking mga mata. Sa pagbukas ko niyon, direkta na akong na
