"Excited na ako sa Outdoor Team Building natin!"
"Halata nga. Namumutok na iyang mga braso mo, eh. Halatang nag-ready, ah?"
Ilan lang iyan sa mga naririnig ko rito magmula pa kahapon nang i-anunsyo iyon sa amin. Sa susunod na araw kasi ay magkakaroon ang kompanya namin ng outdoor team building na siyang kinasasabikan namin.
Ito ang kauna-unahang beses ko na makaa-attend nang ganito rito kaya wala akong eksaktong ideya sa mga mangyayari kahit na ba nai-discuss iyon sa amin noong nasa kolehiyo pa ako. Iba naman kasi iyong ikaw mismo ang makararanas at hindi lang basta itinuro sa iyo.
Lunch break na kasi ngayon kaya halos tungkol doon ang naririnig ko rito sa cafeteria. Naglalaro lang ako sa aking cellphone habang hinihintay na makumpleto kami bago sabay-sabay na kakain.
"Ang tagal niy
