"Bes, nakikinig ka ba?"
Napukaw ang aking pansin sa tanong ni Madi
"Ang dami ko nang kinwento hindi ka naman pala nakikinig," nagtatampo nitong himig
Narito kami ngayon sa cafe ni Megan upang mananghalian. Pagkatapos magsukat ng bridesmaid gown ni Madi ay dumiretso na kami papunta sa cafe.
Hindi na nakasabay sa amin si Chase sa fitting dahil may inaasikaso pa ito sa kumpanya. Marahil ay mamaya pa ito makakapunta sa shop upang makapagsukat ng kanyang groom's suit. Ang ibang mga abay naman ay nakatakdang magsukat mamayang hapon.
"Pasensya na, Madi. Marami lang akong iniisip," tugon ko
Hindi ko namalayan na kanina pa pala ako nakatulala sa malayo. Tila pumapasok lamang sa isa kong tainga at lumalabas sa kabila ang mga sinasabi ng aking matalik na kaibigan
Paulit ulit sa aking isipan an
