Unti unti akong nagising mula sa mahimbing na pagkakaidlip. Habang iminulat ko ang aking mga namimigat na mata ay unti unti rin akong sinisilaw ng liwanag mula sa sikat ng araw.
Base sa liwanag nito ay hudyat na tinanghali na ako ng gising; malayo sa nakasanayan kong oras. Sa kabila ng lahat ng mga nangyari kahapon ay tila nakatagpo ng kapayapaan ang aking kalooban at nakapagpahinga nang husto ang aking katawan sa buong magdamag.
Agad bumalik sa aking alaala ang nangyari kagabi. Pumihit ako sa kabilang panig ng kama ngunit tanging unan at ang tila hindi nagusot na kobrekama ang aking natagpuan. Nang igala ko ang paningin ay tanging ang tahimik kong silid ang sumalubong sa akin.
Tila may kumurot sa aking dibdib. I have never felt this empty. May parte sa akin na umaasang makasama sya han
