MAGDAMAG sinamahan ni Roselle ang anak nito na inaapoy ng lagnat. Maya't-maya niya itong binabanyusan at kinukunan ng temperature. Ginigising niya rin ito para mapainom ng gamot.
"Uhmm."
Napaangat ng mukha si Roselle na mahinang umungol ang anak nito. Pupungas-pungas pa ito na napasuri sa anak at tuluyang nagising ang inaantok na diwa na maramdamang sobrang init na naman nito!
"Diyos ko, Chelsea?" bulalas nito na niyugyog ang anak.
Basang-basa na ito sa pawis at mas dumoble pa ang init nito kanina! Nataranta itong lumabas ng silid na pinuntahan ang asawa nito sa kanilang silid!
"Chloe? Chloe, bumangon ka!" pagyugyog nito sa asawang nahihimbing.
"Baby naman. Maaga pa." Reklamo nito na sobrang inaantok pa.
"Bumangon ka muna! Inaapoy ng lagnat 'yong anak mo!" pagalit ni Roselle d
