Paboritong linya ni Oliver ang "And we'll warm our hearts beneath the lights of this feeling. 'Di rin lamang maririnig,” mula sa awiting "Magkasuyo." Paulit-ulit na nagpi-play iyon sa isipan ko habang nakaupo ako sa veranda ng aking silid.
Minsan kanta, pero madalas parinig kay Lorna. Pag kinanta na ni Oliver ito, mararamdaman mo ang sobrang pagmamahal niya kay Lorna. Habang ako, nakikinig lang sa gilid, madalas.
Tahimik ako na umiinom ng alak, mag-isa. Ang malamig na simoy ng hangin ay tila sumasabay sa lungkot na bumabalot sa aking katawan. Ang mga ilaw sa labas ng aming bakuran, na malamlam, ay parang mga bituin na nagtatago sa likod ng makapal na ulap ng kalungkutan ko.
Si Lorna, ang babaeng nagbibigay kulay sa aking mundo, ang nagturo sa akin kung paano magmahal ng tunay, ang akin
