Isang buwan matapos ang insidente...
Maaliwalas na ang kwarto ni Tristan sa hospital facility. May mga bulaklak sa lamesa, may photo frame ni Carmen.
Pero ang totoo, hirap pa rin si Tristan. Mahina ang katawan, mabilis mapagod. Pero buo ang loob.
"Sir Tristan," bati ng physical therapist. "Ready ka na?"
Tumango ang binata. "Kailangan eh. Ayoko nang nakahiga habang buhay."
First Session.
Nakatayo siya sa walker. Pawis na pawis agad kahit ilang hakbang pa lang ang nagagawa.
Si Carmen, nakaupo sa gilid, tahimik lang. Hawak ang tuwalya, bitbit ang tubig. Laging handa. Hindi nagsasalita ng kung anu-ano—hindi rin nagpapakita ng awa. Pero ramdam ni Tristan: naroon siya. At sapat na iyon.
"Ayos ka lang?" tanong ni Carmen habang pinupunasan ang pawis sa leeg niya.
Napangiti siya. "Hindi. P
