Kinabukasan, mas maaga pa sa dati si Carmen. Suot niya ang polo blouse at slacks na nirequest ni Ms. Ella na isuot ng mga PA. Malinis, simple, pero parang biglang bumigat ang pakiramdam niya. Iba na 'to.
Habang nasa locker room, ilang kasamahan niya sa hotel ang nagtanong.
"Carmen, totoo ba 'yung chismis? Assistant ka na raw ni Sir Tristan?"
Napangiti siya ng pilit. "Oo raw... temporary lang naman."
"Uy, galing mo ha! Baka ikaw na ang next manager!" biro ng isa, sabay tawa.
Nginitian lang niya pero hindi na sumagot. Kung alam niyo lang... hindi ako makakain sa kaba.
Pagdating niya sa executive floor, sinalubong siya ni Angela.
"Sir Tristan's in early today. Nasa office na siya. Dito ka muna sa mini-desk sa labas ng opisina niya. Gamitin mo itong tablet na naka-log na sa admin system
