BILING-BALIKTAD si Lianne sa kanyang higaan. Kanina pa siyang nakahiga at pasado alas siyete palang ng gabi. Sa mga ganoong oras sa normal na pagkakataon ay nanonood lang siya sa telebisyon pero ngayon ay wala sa isip niya ang panonood. Nasa ibang bagay ang diwa niya ng mga sandaling iyon.
“Ano kayang ginagawa niya ngayon? Baka naglalasing nanaman siya. O baka pakalat-kalat nanaman siya sa kalsada.” usal niya habang nakatingin sa kisame ng kanyang kuwarto.
Maya-maya pa ay itinaas niya ang dalawang paa sa dingding habang nakatihaya at tumingin sa kisame. Simula ng umalis siya sa tinitirhan ni Noah kaninang umaga ay hindi na ito nawala sa isip niya. Lalo na ang hubo’t-hubad nitong katawan na bulgar na bulgar sa kanyang mga mata kanina. Hindi mawaglit sa kanyang isip ang bagay na nasa pag
