“HETO, magbihis ka muna.” Inabot ni Sayon kay Noah ang isang malaking t-shirt na kulay puti at pajama niya at isang malinis na tuwalya. “Pasensiya ka na kung pambabae ‘yan ha. Wala kasi akong kasamang lalake dito. Ayun ang banyo kung gusto mong gumamit.” Itinuro niya ang isang pinto na malapit sa bandang kusina.
Kinuha ni Noah ang mga damit. Saglit lang nitong pinukulan ng atensiyon ang ibinigay niya. Mukhang balewala rito kung pambabae man ang isuot nito. “Mag-isa ka lang dito?” sa halip ay tanong nito habang iginagala ang tingin sa paligid.
“Yap. Ako lang ang nakatira dito ngayon.” Tugon niya.
Hindi malaki ang bahay niya. Isa lamang iyong bungalow type na may dalawang kuwarto na ang isa ay may banyo. Isang hindi kalakihang sala pero hindi naman sobrang liit, isang katamtamang laki ng
