“ANONG order mo?” tanong ni Sayon kay Aira habang tumitingin sa menu na nasa harap niya.
Tanghalian iyon at nasa isang Italian restaurant sa isang kilalang mall silang magkaibigan. Pareho silang natakam sa Italian food at dahil can afford naman nila ang mga pagkain doon ay nagkayayaan na sila. Kanina ay niyaya siya ng kaibigan para mag-shopping at dahil gusto naman niyang malibang-libang ay sumama siya. Tutal ay wala naman siyang gagawin kundi magmukmok lang sa bahay. Nasa trabaho raw si Jacob kaya siya ang hinila ni Aira.
May sariling negosyo rin ang kaibigan niya. Isa iyong perfume shop at may sariling puwesto malapit lang sa mall na iyon. Hindi malaking-malaki ang puwesto nito pero masasabing nakilala na rin sa paglipas ng mga taon. Kung sa financial status ay mas malaki ang kinikit
