MAALIWALAS at magaan ang pakiramdam ni Sayon habang humihinto ang kotse niya sa harap ng bar ni Noah. Patay ang bar kapag araw dahil walang mga parokyano sa ganoong oras. Pero sigurado siyang may mga tao sa isang bahagi niyon na nagsisilbing opisina ng iilang tauhan din ng binata. Tinawagan siya nito kanina para sabihing nakabalik na ito sa Manila. Mamayang gabi pa dapat siya nito pupuntahan pero dahil galing siya sa labas ngayon ay nagpasya siyang sadyain nalang ang binata para sabay silang magmeryenda.
Bago lumabas ay dinampot niya ang bag sa drivers seat at kinuha sa loob ang press powder niya. Saglit siyang nag-retouch. Kaunting lipstick pa at kuntento na siya sa kanyang itsura. Tumingin siya sa salaming nasa harap ng kotse at inismiran ang sarili. Halata sa itsura niyang nasasabik si
