PUMARADA ang kotse ni Hans sa sa harap ng bakuran ng bahay ni Sayon. Nahigit niya ang hininga ng makita ang sasakyan ni Noah na naroon din sa tapat ng bakuran niya at ngayon ay katapat ng kotse ni Hans.
Tumikhim si Hans. “May bisita ka yata?” anang lalaki habang nakatingin sa sasakyan ni Noah. Sabay silang sumulyap sa mismong harap ng kanyang bahay.
Sumikdo ang dibdib niya ng makilala ang bulto ni Noah na nakaupo sa tapat ng pinto ng bahay niya. Nakayuko ito at mukhang tulog pero bigla itong nag-angat ng mukha ng marahil ay marinig ang paghinto ng sasakyan ni Hans. Napatingin siya kay Hans na lumabas ng sasakyan at lumigid para pagbuksan siya ng pinto.
Parang ayaw pa niyang lumabas ng sasakyan. Ngayong nakita niya si Noah ay bigla siyang kinabahan. Hindi niya alam kung papaano ito kakau
