PARANG luka-lukang napangiti ng maluwang si Sayon pagkatapos na pagkatapos ng pag-uusap nila ni Noah. Bagamat nagugulat pa rin siya kapag tinatawagan ng binata ay hindi na siya masyadong nagtaka ng muling makatanggap ng tawag mula rito. Isa lang ang tanong sa isip niya, magkasama lang sila kagabi pero niyayaya na siya nitong lumabas mamayang gabi? Gusto niyang isiping gusto siyang makita at makasama ng binata pero siyempre ay ayaw niya iyong i-entertain. Mahirap mag-assume. Higit sa lahat nakakadismaya kapag hindi naman pala totoo.
Pero mas kakaiba yata ang adrenaline ng katawan niya ngayon dahil muli siya nitong tinawagan. Para naman pagbigyan ang hiling niya para sa isang inumin sa bar nito. Hindi niya akalaing seseryosohin ng binata ang biro niyang iyon. Kung tutuusin ay hindi naman ka
