"Ano kaya ang maaaring ipinapahiwatig ng larawang ito?" Hindi maalis ang titig ni Mateo sa papel na napulot ko.
Nang makarating kami sa paraiso Valentina ay agad ko ulit itong nilabas sa aking bulsa.
"Sa tingin mo ba ay isa ito sa mga nawawalang pahina Mateo?"
Nagkibit balikat si Mateo. "Maaaring oo, maaaring hindi."
Suminghap ako. "Kung oo, ano nga kaya talaga ang pinapahiwatig nito?"
Nagtama ang mga mata namin ni Mateo. "Maaaring pagpatay Belle; kita naman natin ang espada na nakasaksak sa isang nilalang sa larawan pero kung pagpatay ito, paano ito naging konektado sa kwaderno ng mangkukulam?"
Umiwas ako ng tingin kay Mateo. Tumaas nanaman ang aking balahibo at bigla akong nakaramdam ng kaba. Pagpatay; konektado nga kaya ito sa nawawalang pahina? Anong kinalaman ng pagpatay sa
