MATAGUMPAY na nakuha ni Jiron ang silver ball at ang puting diyamante. Tumigil na rin sa pag-uga ang bundok. Mabuti na lamang at hanggang bitak lang ang mayroon sa salaming nakabalot sa silver.
"Tumigil na ang pagyanig," usal ni Jiron habang inaangat ng kamay niya ang hawak na bola.
"Kailangan na nating makababa kaagad. Hindi na tayo nakasisiguro na ligtas pa ang manatili rito kahit kumalma na ang bundok," wika ni Alex.
Sumunod naman sila nang pangunahan nito ang pagbaba. Bumababa na rin ang buwan ngunit madilim pa sa kapaligiran.
"Sandali, pansinin ninyo ang mga yelo," puna at tawag niya sa atensiyon ng mga kasama.
Tinitigan ng mga ito.
"May palatandaan na unti-unting natutunaw ang mga yelo," kompirma ni Jack.
"Magmadali tayo. Masyadong madulas kung abutan tayo ng mabilis na
