NASA kalagitnaan ng pagtawid sa ilog si Jiron kasama sina Tonyo, Pancho at Tasyo. Siya na naman ang nahuli sa paglalakad. Kung kailan malapit na silang makatawid sa kabila ay eksaktong tumapat ang buwan sa kanila.
Naramdaman nila ang unti-unting paglalim ng tubig sa ilog. Pabilis nang pabilis ang agos.
"Bilisan natin!" hiyaw ni Tonyo.
Nauna itong nakarating sa mataas na bahagi ng lupa. Sumunod si Pancho. Inunat ni Tonyo ang kamay para hawakan ni Tasyo. Kinuha muna ni Pancho ang hawak ni Tasyo na sulo. Humawak din siya sa kamay ni Tasyo.
"Tumataas na nga! Umaalon pa," nabahalang wika niya.
Pataas na hanggang dibdib niya ang tubig. Tinatangay siya ng malikot na alon. Kumapit siya nang mahigpit sa kamay ni Tasyo. Pinagtulungan naman nina Tonyo at Pancho si Tasyo na hilahin.
"Huwag
