Bea’s POV
Isinugod sa operating room si Ella dahil sa natamo nitong sugat sa kanyang ulo. Nadine and I were crying dahil sa sinapit ng kaibigan namin.
Ansel told us everything na imbes na si Kino ang tamaan ng baseball bat ay hinarang ni Ella ang sarili dahilan upang siya ang tamaan.
“Where’s our daughter?” sabay-sabay kaming napatingin sa dumating.
Tingin ko ay sila na ang mga magulang ni Ella. Umiiyak ang babae habang nakasandal sa lalake na tingin ko ay asawa niya. Gaya namin, mugto rin ang kanyang mga mata.
Nang makalapit sila sa amin agad kaming tumayo. “Kayo ba ang kaibigan ng anak ko?” tanong niya saka kami dahan-dahan tumango.
Nanlumo ako nang bumaba ang tingin sa suot niyang tsinelas dahil magkaibang pares iyon. Siguro sa pagmamadali ay hindi na nila napansin iyon. Kung ako
